Per bia famiglias muntan ils cuosts carschents dalla sanadad publica in grond problem. Nies sistem da sanitad ha creau stimuls falli che ston vegnir eliminai. Senza reducir la qualitad e las prestaziuns eis ei tenor differents studis pusseivel da spargnar entochen 6 milliardas francs che stessen allura a disposiziun allas famiglias. Risguardond las premias dallas cassas da malsauns che creschan onn per onn, eis ei pli che cunvegnent da finalmein prender cuntermesiras. Per quei intent ha l’Allianza dil Center lantschau cun success in’iniziativa populara per introducir in frein da cuosts ella sanitad publica. A basa da quella duein tuts involvi vegnir sfurzai da renunziar ad interess particulars e da reformar da cuminonza la sanitad publica dalla Svizra. Las famiglias ein ferm dependentas da quellas mesiras.