Ei sto vegnir garantiu che la generaziun giuvna vegni buca engreviada a moda stavagada. Stimulaziuns fallidas sco contribuziuns pli aultas da luvrers ed emploiai pli vegls alla Cassa da pensiun ston vegnir eliminadas ton sco pusseivel. Ina refuorma dallas cassas da pensiun cun sbassar il pei da transiziun e mesiras adequatas da cumpensaziun ein decisivas. In ulteriur retardament savein nus buca selubir pli. La refuorma dalla Cassa da pensiun sto vegnir purificada e messa en votaziun ton pli spert. Stimuls e mesiras per la reintegraziun da tals che retrain rentas d’invaliditad el process da lavur ein da rinforzar. Medemamein sto vegnir procurau che puspei dameins persunas daventien dependentas da prestaziuns socialas supplementaras. En quei connex ein denter auter cuosts da sanadad pli bass e meglieras purschidas da reintegraziun facturs impurtonts.