La Svizra sto era egl avegnir saver giugar ina rolla dominonta ella concurrenza globala. Per quei intent eis ei impurtont da procurar per bunas cundiziuns da rom a nossas interpresas. La strategia vertenta cun taglias favoreivlas sto vegnir sviluppada vinavon, cunzun en vesta allas novas directivas globalas davart la taglia minimala dalla OECD. Ei drova dapli investiziuns en nies sistem da formaziun ed en l’innovaziun. La Svizra sto finalmein haver la curascha da far in’atgna politica d’industria cun controllas d’innovaziun sco ellas vegnan gia praticadas dapi onns en China, els Stadis Uni ed ella Uniun Europeica. Enstagl da conderscher ils gudogns dalla Banca Naziunala aunc dapli en favur dalla AVS sco quei che dretg e seniester pretendan, duein quels daners biaronz vegnir impundi per mantener la cumpetitivitad dalla Svizra sco liug economic. Mo aschia san ins segirar posts da lavur. In fondo statal suveran savess esser la soluziun en quei risguard.